உனக்காகவே

உனக்காகவே உறங்காமல்
காத்திருக்கிறேன்
ஒவ்வொரு நாளும்
உன் மடிமீது தலை சாயும்
நாளை நோக்கி

வாக்காளர்கள்

மழைக்கால குடைகள்
மழை நின்றால் மீண்டும்
மாட்டி வைப்பார் மூலையில்

சாதனை

வானத்தில் ராக்கெட்
வட்டமிடும் இன்சாட் - இங்கு
வயல்வெளிகளில் பவர்கட்...

அவசர உலகம்

சிதைந்த உடல் தண்டவாளத்தில்
சலித்த மனங்கள் கணக்கு போட்டது
கால தாமத்தை...

பால் குடித்த பிள்ளையாரை

பால் குடித்த பிள்ளையாரை
பரிதாபத்துடன் பார்க்கும்
பசித்த ஏழை சிறுமி..

தூண்டில் மீன்

தூண்டில் மீன்
சபதம் கொண்டது
இனி வாயே திறக்கக்கூடாது

பொய் சொல்லக் கூடாது பாப்பா

பொய் சொல்லக் கூடாது பாப்பா
சிரித்துக் கொண்டார்
வக்கீல் தந்தை..

அடி பட்டதை கூறாது

கவலை படாதே
உன் பதில் வரும் வரை
நான் உன்னை காதலிப்பதாக
யாருக்கும் சொல்ல மாட்டேன்
என் இதயம்
அடித்து கூறும்
அடி பட்டதை கூறாது..

என் முதல் கவிதை

உன்
பிறந்த நாளுக்கான
வாழ்த்து அட்டைகளில்
நல்ல வரிகள்
தேடித்தேடி
ஏமாந்த சலிப்பில்
தொடங்கியது
உனக்கான
என் கவிதை

உன் பிரிவு

உயிர் பிரிவதை
நேரில் கண்டேன்
உன் பிரிவில்

உன் பிரிவை

உன் பிரிவை கூட
என்னால்
தாங்கி இருக்க முடியும்
அழாமல் நீ
பிரிந்து இருந்தால்

கவிதை

கவிதை வேண்டுமென
பேனா தூக்கினேன்
கைகள் தானாய் கிறுக்குதடி
உன் பெயரை..

பூ

உன்னை சுற்றி
வட்டமடித்து கொண்டிருக்கும்
வண்ணத்து பூச்சிக்கு
எப்படி
புரிய வைக்க போகிறேன்
நீ
பூ இல்லை என்று..

நிழற்படம்

ஒரு முறைதான்
பார்த்துவிட்டு
போனாய்
என் வீட்டு ஆளுயரக்
கண்ணாடி
உன்
நிழற்படமாகிவிட்டது

காதல்

உனக்கும் எனக்கும்
பிடித்த பாடல்
தேனீர் கடையில்
பாடிக் கொண்டிருக்கிறது
கடைசி பேருந்தையும்
விட்டு விட்டு
கேட்டுக்
கொண்டிருக்கிறது

வைரம்

பல நூற்றாண்டுகள் ஆகுமாமே
ஒரு வைரம் உருவாக
நீ மட்டும் எப்படி
பத்தே மா தத்தில் உருவானாய் !

வெட்கம்

மூவர் அமரும்
இருக்கையில்
உனக்கும் எனக்குமிடையே
சம்மணமிட்டமர்ந்த
உன் வெட்கத்திற்கு
எத்தனை டிக்கெட்
எடுப்பது....

உடைந்தேன்

என்னை
உடைப்பதற்காவே
என் எதிரில்
சோம்பல் முறிப்பவள் நீ...

சிலை

எல்லா சிலைகளும்
சிலையாய் நிற்க
ஒரு சிலை மட்டும்
நகர்வது போல் இருக்கிறது
கோவில் பிரகாரத்தை
நீ
சுற்றி வரும்போது...

கொலுசு

கொலுசு
உன் கால்களோடு
போய்விட்டது
சப்தம் மட்டும்
என் காதுகளோடே
வருகிறது..

மௌனம்

உன்னுடன்
பேசுவதற்காகவே
எல்லோருடனும்
பேசாமலும் இருக்கிறேன்..

நிற மாற்ற விதி

ரோஸ் ஐஸ் சாப்பிட்டு
வாய் சிவக்க நிற்பாய்
'நிற மாற்ற விதி'
என்பது
இயற்பியல் அல்ல
இதழியல் !!!

நட்சத்திரங்கள்

ஆப்பிள் கன்னத்தில்
அங்கங்கே பருக்கள்
நிலவில் நட்சத்திரங்கள்..

ஏக்கம்

உன்னை காணமல்
வெறிச்சோடியது
உன் இருக்கை மட்டுமல்ல
என் இதயமும் கூட..